Vikingtrenar Roy Hodgson forlet Viking neste sommar. Det vart kjent på ei pressekonferanse i dag.
Hodgson er i forhandlingar med det finske fotballforbundet om å overta som landslagstrenar.
Han blir i Viking til neste sommar, dermed har styret litt tid på seg til å finna ein erstattar. Styret kjem til å leita både nasjonalt og internasjonalt, sa styreleiar Ole Rugland på ei pressekonferanse på Viking-huset i dag.
For kort tid sidan ville Viking forlenga kontrakten med Hodgson, men engelskmannen var då ikkje villig til det.
Roy Hodgson kom til Viking i mai 2004, og skreiv då ein avtale som bind han til Viking ut 2006-sesongen. Då kom han frå jobben som landslagssjef for dei Forente Arabiske Emirater, og hadde tidlegare hatt suksess både i Halmstad og Malmø FF. Han har også ført FC København til seriegull.
No blir han i Viking til neste sommar.
Tips andre om denne saken
Utskriftsvennlig versjon
