Det er klart etter prosedyrene i Aust-Agder tingrett torsdag.
– Min klient har køyrt uaktsomt. Det er det ingen tvil om. Han har køyrt for fort og har nekta å stoppe i politikontroll, sa advokat Thor Bache-Wiig i retten då han starta si prosedyre.
- LES OGSÅ: Ba om 5,5 års fengsel
- LES OGSÅ: Erkjente straffeskuld
– Han har køyrt uaktsomt fram mot vegsperringa og gjennom sperringa. Det er det ingen tvil om, og det er vi samde om, sa han.
Sperringa var ikkje sikra
Han påpeika at politisperringa der Børge Ivarsen vart påkøyrd, ikkje var godt nok sikra. Det meiner forsvararen er nok til å frifinne klienten for drapet.
– Det er openbart at politimennene ikkje hadde tid til å sikre sperringa skikkeleg. Eg skal ikkje kritisere det, men vegsperringa var ikkje i tråd med forskriftene, seier han.
LES OGSÅ: Politiet brøt egne retningslinjer
LES OGSÅ: Kan unngå å bli dømt for uaktsomt drap
– Det er uforklarleg at Ivarsen valde å springe den vegen han gjorde. Han visste at bilen kom. Han hadde sikt mot tunnelen. Han må ha sett lysa. Han sprang rett inn i situasjonen. Tiltalte hadde ikkje sjanse til å stoppe. Han kunne ikkje vente at dette skulle skje, seier han.
Advokaten viste blant anna til at det skal setjast opp skilt om at spikermatte ligg ute. I tillegg skal all anna trafikk bli stoppa minst 400 meter unna.
ÅSTADEN: Her vart politimannen Børge Ivarsen påkøyrt og drepen 4. mars i år. (Arkivfoto)
Foto: Jan Inge Tomassen / NRK– Hån mot familien
– Det var uventa i forhold til at tiltalte burde kunne forvente at sperringa var sikra. Det var den ikkje. Det som er spørsmålet er om han burde innsett at køyringa kunne kunne medføre død, sa Bache-Wiig.
– I tillegg hadde han lys imot seg. Det var umogleg å sjå Ivarsen. Ivarsen sprang to-tre skritt rett før tiltalte passerte. Det kunne ikkje han forvente. sa forsvararen.
– Det er urettferdig og kanskje eit hån mot familien å tenkje på frifinning. Men plikta mi er å fri meg frå slikt og sjå saka frå ei anna side, slik at vi får balanse i saka, sa han.
Vanskeleg sak
– Eg har vore forsvarar i 14 år. Denne saka trur eg har vore den vanskelegaste å forholde seg til. Den er meiningslaus, nitrist og det er berre taparar her, sa advokat Thor Bache-Wiig i retten då han starta si prosedyre.
- LES OGSÅ: Tiltalt for uaktsomt drap
- LES OGSÅ: Politimann omkom etter biljakt
Bistandsadvokaten la ned påstand om erstatning og oppreisning på tilsaman 550 000 kroner til familien og kollegaen som var på jobb saman med Ivarsen.
– Eg vil ikkje protestere på erstatningskravet som er lagt fram. Det kravet er ikkje urimeleg, sa forsvararen.
FORSVARAR: Advokat Thor Bache-Wiig er forsvarar for den tiltalte 28-åringen. (Arkivfoto)
Foto: Erik Holand / Agderposten / ScanpixDømd fleire gonger
28-åringen er tidlegare dømd for blant anna vald, dokumentfalsk, fleire tilfelle av promillekøyring og køyring - trass i at han aldri har hatt gyldig førarkort.
I tillegg er han tidlegare dømd for biltjuveri. Mannen vart første gang dømd i år 2000.
- LES OGSÅ: – Han var ein av våre dyktigaste
- LES OGSÅ: – En forferdelig tragedie
Det var 4. mars i år at politimannen Børge Ivarsen vart køyrt ned under ei biljakt i Grimstad. Ivarsen etterlot seg kone og tre barn.
Det har tidlegare komme fram i Aust-Agder Tingrett at tiltalte 28-åringen var rusa på metamfetamin, og ikkje alkohol, valium og hasj, som han sjølv hevda.
Det er venta at dommen er klar i slutten av neste veke.
