Vil styrke næringslivet med betre vegar

Av Ragnhild Eikenes og May Helen Vik

Og for å finansiere dette arbeidet med betre vegar, vil dei selje fleire fylkeskommunale aksjar.

Vil styrke næringslivet

Å få betre vegar for å styrke næringslivet er ei viktig sak for Høgre det komande valet. Dette byggjer på at det er kome signal frå næringslivet om at dårlege vegar er eit stort problem, sier fylkesleiar i Høgre, Liv Stave.
-Det som blir sagt frå næringslivet si side er at det er fordyrande når vegen går i bakke opp og bakke ned. Dersom det istaden var raske og greie vegar ville det bli enklare å drive for bedriftene i Sogn og Fjordane, seier ho.

Og no vil Høgre bruke pengane frå sal av aksjar til å ruste opp vegstandarden i fylket og gje næringslivet betre vilkår. At Høgre går inn for sal av fylkeskommunale aksjar, forklarer Stave slik.
-Høgre går til val på at Fylkeskommunen skal avviklast, og då er det er ein naturleg konsekvens av dette at aksjar vert selde og brukt til investeringar i fylket.

Venstre ueinig

Også Venstre hadde valkampopning i helga. Både andre, fjerde- og femtekandidatane på Venstre si fylkestingsliste er frå Nordfjord, og Venstre valde å dra i gang valkampen sin på Eid.


I ei av dei viktigaste valsakene til Venstre står dei diametralt i motsett posisjon samanlikna med Høgre, seier Venstre sin fylkessekretær, Liv Henjum.
-Vi meinar at fylkeskommunen bør behalde det aksjetalet i Fjord 1 og Sogn og Fjordane Energi som vi har per i dag.


Henjum meiner Høgre har mista noko på vegen når dei argumenterer for å selje Fylkeskommunen sine aksjar i Fjord 1.
-Det Høgre ikkje seier noko om er korleis dei vil kompensere for det tapet som blir når aksjeutbyttet fell bort. Dette er inntekter som går inn i drifta, og det blir manko i drifta dersom fylkeskommunen skulle tape dette utbyttet, seier Henjum.