Peparkaker er favorittjulekaka til dei fleste born - deigen er jo heilt klart den beste! Små menn, store hjarte, hus og slott er kjende variasjonar. La fantasien blomstre, og bygg draumehuset ditt!
Ingrediensar
- 150 g meieriesmør
- 1 dl sirup
- 2 dl sukker
- 1 dl kremfløyte
- ½ ts nellik
- ½ ts ingefær
- ½ ts pepar
- 2 ts kanel
- 1 ts bakepulver
- ca. 450 g kveitemjøl
Bland smør, sirup og sukker i ein kjele. Varm opp til sukkeret er heilt smelta. Ta kjelen av plata og la blandinga bli litt kaldare.
Rør i fløyta og sikt i krydder, bakepulver og det meste av mjølet. Rør alt saman til ein jamn deig. La deigen stå kaldt til neste dag.
Elt deigen i litt mel på bordet og kjevle han om lag 3 mm tjukk. Stikk ut forskjellege figurkaker og steik dei gyllenbrune på 175 gr i ca 10 minutt. Avkjøl kakene på rist.
Pynt kakene med melis, sjokolade, gelétoppar.