Rune Bjerga gjekk hardt ut då han blei spurt om å delta i serien til NRK Rogaland, der kjende personar konkurrerer i trøbil; Top Pedal.
Det første han lurte på var:
– Kva er rekorden?
– Tommy Fedvang si tid på 33,3.
– Den tar eg.
Haustleg morgondogg
Dermed var lista lagt, men på standplass var ikkje komikaren like høg i hatten. Då han såg løypa kom unnskyldningane, som på ei snor.
– Dette må vera den første dagen med snø og is. I alle fall rim. Det må ein jo ta i betraktning når ein skal sjå på sluttida, sa han.
Men det var nok ikkje meir enn litt haustleg morgondogg.
Sjølv om Bjerga sleit i starten, tok det seg veldig opp ut i løpet, og han kom inn på den solide tida 37,2 sekund. Like bak Oilers-spelaren Christian Dahl-Andersen. Rune Bjerga ligg dermed på ein førebels 7. plass.
Var forsiktig i svingen
– Du sikra deg godt i den første svingen, er det typisk deg å spela safe?
– I svingen der tenkte eg at eg måtte vera forsiktig på grunn av andre bilistar, og i respekt for folka med kamera og slike ting. Eg ville jo ikkje køyra på dei, seier han.
– Er du nøgd?
– Like bak Christian Dahl-Andersen, det er bra det.
Sjå korleis det gjekk i videoen ovanfor.