Sogn og Fjordane Turlag

Luster Turlag vart medlem i 1993, og Årdal Turlag og Vik Turlag i 2003. Sogn og Fjordane Turlag har kontor i Førde saman med i Indre Sunnfjord Turlag.

Lokale turlag:

Luster Turlag

vart skipa i 1971. Laget gav i 1976 ut boka ”Vandring i Lustrafjell” og i 1994 ”Lustrafjell – om fjell og fjellfolk”. Luster Turlag eig hytta på Fivle og steinhuset på den restaurerte høgdegarden Fuglesteg. Begge desse hyttene vert administrerte gjennom DNT.

Indre Sunnfjord Turlag

vart skipa i 1971. Etter eit mislukka forsøk på å få bygd ei hytte i Årdalskupa i Jølster låg laget nede fram til 1984. I 1989 vart Longevasshytta på turen Årdal i Jølster – Nes i Naustedalen opna. Hytta Massbu ved Øvre Laukelandstølen vart opna i 1999 og Nipebu i Askvoll i 2001. Indre Sunnfjord Turlag hadde i 2005 kring 1000 medlemmer. Frå 1990-talet har laget omfatta kommunane Naustdal, Jølster, Førde, Gaular, Fjaler og Askvoll.

Årdal Turlag

vart skipa i 1973. Turlaget har vore aktive i utbygging av vegar og turistiar i Utladalen, og nyttar den nedlagde fjellgarden Avdal og stølsselet som høyrer til som losji.

Midtre Nordfjord Turlag

vart skipa i 1978 og har medlemmer frå kommunane Eid og Gloppen. Laget hadde i 2005 348 medlemmer.

Indre Nordfjord Turlag

vart skipa i 1977 og er eit lokallag for Stryn og Hornindal kommunar. I 2005 hadde laget vel 300 medlemmer. Det skipar m.a. til årlege turar til Lodalskåpa og Honndalsrokken. Indre Nordfjord Turlag har ytt økonomisk hjelp og dugnadsinnsats for å setje i stand den private hytta Flatsteinsbu. Laget fekk eiga barnegruppe i 2005.

Lærdal Turlag

vart skipa i 1990, og fekk eiga barnegruppe i 2000.

Andre turlag i Sogn og Fjordane:

Ytre Nordfjord Turlag skipa 1985
Keipen Turlag i Bremanger skipa 1990
Flora Turlag (eig hyttene Grytadalsbu, Blåbrebu, Børabu og Gjegnabu)
Vik Turlag
Sogndal Turlag.