Under dei rike torskefiskeria på 1920-talet låg det seks trandamperi kring Selje sentrum. I same periode dreiv Selje Slip og Mekaniske Verksted med vedlikehald av fiskebåtar.
AS Fiskevegn på Flatraket vart grunnlagt 1974 av Bodvar Vetrhus.
Ervik Havfiske A/S er største fiskeriselskapet i Noreg innan autolinebåtar.
Elias A.R. Lekanger
starta 1909 fiskeforretning, trandamperi og hermetikkfabrikk på Stadlandet. I 1917 tønnefabrikk. Frå 1935 heitte familiebedrifta Statt Preserving, Lekanger & Co. Sysselsette på det meste
35 personar.
Stadlandet Kjøleanlegg
vart i 1960 overteke av AS Fiskeforsyning. Dette selskapet var eigd på samvirkebasis av fiskarane i Sogn og Fjordane, og liknande ”samvirke-anlegg” vart bygde i Solund, Bulandet, Bremanger og Raudeberg.
Selje Fiskeindustri AS
i Moldefjorden vart grunlagt 1979 av Svein Eilertsen frå Stokmarknes. Dreiv dei første åra med klippfisk, tørrfisk og innfrysing av makrell. Overteke av
Domstein-konsernet 1985. Sysselset i 2000 45 årsverk.
Fiskerikonsernet Pan Fish
med Arne Nore frå Bryggja som grunnleggjar og hovudaksjonær eig dei fleste store oppdrettsanleggja i Selje kommune, etter at dei i 2000 også kjøpte fleire anlegg frå Måløy-selskapet
OK-Fish Kvalheim.
Per Stave A/S
fiskeforedling vart starta i 1975 på Stadlandet av Per Stave. Hovudproduktet er tørrfisk, i hovudsak lange som går til Sverige og Finland som råstoff for lutefisk. I 1995 overtok sonen Rune Stave drifta. Verksemda har i 2001 produksjonslokale på 2500 kvadratmeter, 8 tilsette og ei omsetning på 11 millionar kroner.
Rakfiskproduksjon ved havet
Rakmakaren på Barmen vart skipa i 1993 av Magni og Egil Myklebust på Barmen. verksemda har spesialisert seg på produksjon av rakfisk, og hadde i 2003 ein årsproduksjomn på 15 tonn. I slaktesesongen sysselset verksemda 6-7 personar.
Tips andre om denne saken
Utskriftsvennlig versjon
