Utlærd bøkker heime i Eikefjord, der faren
Kristoffer Dahle-Hovland m.a. dreiv tønnefabrikk. Reiste i 1908 til Dale i Fjaler og starta i 1912 Dale Tønnefabrikk i den såkalla "Wilken-buda", og fekk etter eit par års drift 25 tilsette.
Sysselsette 100 mann
I dei beste sesongane kunne tønnefabrikken ha opptil 100 personar i arbeid, og var den største i fylket. Ola Hovland dreiv også ei kort tid Dale Cementstøperi saman med Barthold Vonen (sjå
Fjaler kommune). Verksemda produserte takstein og røyr.
Han var også dampskipsekspeditør, dreiv sildesalteri og bygde i 1918 eige elektrisitetsverk. Flytta i 1936 tilbake til Eikefjord, og starta ny tønnefabrikk med 10 tilsette der ved sida av at han dreiv garden.
Sonen Kristoffer Hovland f. 1909 tok over som disponent ved fabrikken i Dale, men Ola Hovland var framleis med i styret. Han arbeidde svært aktivt for å fremje småindustrien sine kår.
Også broren
Aksel Hovland flytta til Dale og starta stor tønnefabrikk.