Vekstsenteret Førde

VIDEO: Program 'Førde - et sentrum for Sogn og Fjordane' - program i fire delar.

I 1961 kom Distriktenes Utbyggingsfond, og utover 1960-talet kom dei store landsdelsplanane som la opp strategiane for utbyggjing av næring og infrastruktur i distrikta.
Ein av strategiane var å etablere såkalla vekstsentra i næringssvake distrikt med stor fråflytting. Indre Sunnfjord var på denne tida det området i Sogn og Fjordane som hadde størst fråflytting, sjølv om det låg midt i fylket med Førde som knutepunkt. I 1965 vart Førde difor peika ut som vekstsenter, og store ressursar vart sette inn for å byggje ut næringslivet.

SIVA og Øyrane

Statens Industrivekstanlegg – SIVA – fekk i 1968 hand om industriområdet Øyrane.

Ankerløkken Verft Førde

Det første store spranget kom likevel ikkje før i 1971, då eigaren Ole Aaserud vedtok å byggje Ankerløkken Verft Førde på Øyrane, til sterke protestar frå Florø, der Ankerløkken hadde vore sidan 1949. Ankerløkken verft på Øyrane gav arbeid til over 400 personar.

Førde Sentralsjukehus

Sentralsjukehuset på Vie med sine ti etasjar sto ferdig i 1979, etter tre års byggjetid.

Kulturinstitusjonar i Førde

På 1970-talet vart fleire fylkesdekkjande kulturorganisasjonar plasserte i Førde: Førdehuset, ferdig i 1976, skulle vere kulturell ”storstove” for heile fylket, og elles kom m.a. NRK Sogn og Fjordane, Sogn og Fjordane Teater, Fylkeskulturkontoret, Sogn og Fjordane Kunstnarsenter og Fylkesgalleriet.

Dam mot fråflytting

I løpet av 1970-talet dobla Førde innbyggjartalet til 5.000 personar.

Kronborg og Reset industrifelt

Midt på 1980-talet var industri-områda på Øyrane og Halbrendsøyra på det næraste utbygde. Kommunen regulerte difor to nye industrifelt – det eine på Kronborg ca. 2 km. aust for sentrum, og det andre på Reset, høgt oppe i Halbrendslia.