Presteskyssen havarerte
I 1653 kollsigla presteskyssen frå Eivindvik. Tre rorskarar kom bort, medan presten Størk Thommæsøn berga seg etter tre døgn på båtkvelvet.
Garden Krossvoll i Austgulen har fleire gonger vorte råka av ras.
I 1659
brann alle husa i tunet på garden Ytre Oppedal ned, og bøndene mista husdyr og elles alt dei eigde.
I 1664
og 1681 gjorde elva i Instefjord stor skade på gardane og gardstunet. Truleg omkom to kvinner og ein mann under den siste flaumen i 1681.
I 1689
brann alle husa på to bruk på øya Grima ned til grunnen.
I 1690
gjorde ei flaumelv stor skade og braut seg nye far på gardane Engesæter og Tynning i Brekke.
I 1718
miste ein person livet då alle seks husa på klokkargarden på Klokkeide brann ned til grunnen. Huslyden som talde seks born, fekk hjelp til å byggje opp att garden m.a. frå bøsseinnsamlingar i kyrkjer i Bergen.
I 1725
omkom ei mor og fleire born i ein brann på garden Lund ved Eidsfjorden. Seks hus strauk også med.
I 1739
brann alle husa til tre gardbrukarar på Byrknes ned til grunnen. Same tunet vart råka av ein ny storbrann i 1763.
I 1733
omkom eit ektepar i Instefjord ved ei ulukke - ukjend årsak.
Pesten tok 11 liv i eitt tun
Epidemiar kunne i gamle dagar nærmast leggje heile gardstun øyde - sjå:
Helsestellet i Gulen.
I 1760
gjekk to brør på Hantveit i Austgulen gjennom isen på eit vatn og drukna.
I februar 1763 drukna fem menneske på veg til dåp, og seinare på året ni menneske i eit følgje med dåpsborn.
I 1766
vart ein 14 år gamal gjetargut skoten ved eit ulukkeshende på garden Klokkeide.
I 1777
vart dei fleste husa hos tre gardbrukarar på Vatsøy totalskadde av brann.
I 1789
drukna fire mann frå Byrknes i eit forlis.
I 1797
drukna fire mann frå Byrknes i eit forlis.
I april 1799
drukna to postførarar frå Lindås i Steinevatnet under arbeid med å frakte posten mellom Bergen og Trondheim.
I 1800
drukna to menn frå Byrknes.
I 1800
døydde mellom 12 og 15 menneske kring Byrknes av ein epidemi. Dei fleste var born. Sjå:
Helsestellet i Gulen.
I 1802
omkom to unge brør frå Store Kvernøy i ei ulukke - ukjende omstende.
- i 1805 og 1807.
I 1807
vart far og son på garden Sveberg ved Gulafjorden drepne i ei ulukke, ukjend årsak.
Skyssbåt kollsigla
I 1809 drukna fire menn frå Tynning, Instefjord og Oppedal på Sognefjorden. To av dei var rorskarar for dei andre, og ulukka bar til under ei reise over fjorden til Lavik, der to av passasjerane skulle møte til militær sesjon.
I 1811
drukna to kvinner frå Litle Kvernøy.
I 1815
drukna tre menn frå Fallebø og Brosvik på Sognesjøen.
I 1816
døydde fem personar - eit ektepar, to drengar og ei tenestejente på garden Fivelsdal samstundes. Det er uklårt om dei omkom i ei ulukke eller om dei døydde av ein epidemi, men mest truleg var dei ei ulukke under arbeid, for borna på garden overlevde.
22 kom bort i orkan
Den 11. mars 1822 miste til saman 22 fiskarar frå Gulen og Solund livet i ein orkan. 14 av dei kom frå Gulen, og 8 frå den sørlege delen av Solund kommune.
I 1823
drukna tre menn frå øya Bårøy.
I 1826
drukna to menn frå gardane Straume på Hisarøy.
I 1843
brann ein mann inne på husmannsplassen Bashaugen ved Høyvik i Eidsfjorden.
I 1843
drukna fire menn frå Byrknes i Fensfjorden sør for Bremnes. Dei var på veg heim frå julehandel i Bergen.
I 1847
drukna far og son frå ein husmannsplass på Klokkeide.
I 1849
drukna far og son frå garden Sætenes ved Brandangersundet.
I juni 1850
drukna to kvinner og tre menn frå Brekke i Sognefjorden.
I 1854
drukna to menn frå Ytre Takle i Sognefjorden.
I 1855
drukna to menn frå Berge og Lund i Oldevika.
I 1855
drukna to menn frå Byrknes.
I 1856
drukna to menn frå Byrknes ved Keipenesosen.
I 1857
drukna to menn frå Byrknes.
I 1859
drukna tre menn frå Brandanger og Sellevåg på fiske.
I 1859
drukna ein far og son frå Byrknes i same ulukka.
I 1860
drukna ei kvinne frå Hauge i Austgulen og ein mann frå Merkesdal i Eidsfjorden.
I 1862
drukna husbonden og drengen på garden Grimstad på Hisarøy.
Ni menneske drukna ved Storholmen på veg til barnedåp.
I 1864
drukna ein mann frå Kjellevoll ved den same Storholmen (sjå ovanfor) då ein føringsbåt med hestar ombord kantra.
I 1865
drukna to menn frå Byrknes.
Kyrkjefylgje drukna
I 1873 drukna to kvinner og fem menn ved Haukøy på kyrkjeveg til Eivindvik. Mellom desse var kjøpmann
Wilhelm Schreuder frå Skjerjehamn og ei dotter. Sonen
Otto Schreuder, som skulle konfirmerast denne dagen, berga seg på båtkvelvet.
I 1883
miste eit ektepar frå Kversøy livet under hummarfiske.
I 1893
drukna far og dotter frå Brosvik på Sognefjorden.
I 1903
omkom to systre på 10 og 13 år frå Merkesdal då dei gjekk gjennom isen på vatnet like ved og drukna.
I 1906
drukna to menn frå Neverdal og Brandsdal då båten vart kasta rundt i eit stormver på Gulafjordane.
I 1909
omkom ein bonde i Brekke då han fekk eit stort vedlass over seg.
I 1915
omkom båtsmann Ole Stien (Takle) f. 1874 i Eivindvik, då Fylkesbaatanes D/S "Hornelen" forliste ved Svanøy - sjå:
Samferdsle i Flora.
I 1918
omkom to kvinner frå garden Storenes ved Brandangersundet då rutebåten "Masfjord" grunnstøytte og sokk. Dei kom seg ikkje ut av kahytta forut før båten sokk.
I 1924
omkom ein 5 år gamal gut frå Midtun i ei akeulukke.
I 1927
drukna to menn frå gardane Navdal og Dingen då dei var på veg heim frå Småvågane.
I 1930
omkom ein mann frå Sandalsnes i eit ras i eit grustak på heimegarden.
I 1938
omkom to unge brør frå Nyhop ved Brandangersundet på veg til julefest i Fivelsdal. Dei skulle også tenne ei fyrlykt på veg til Fivelsdal då dei kom bort.
I 1946
drukna tre menn frå Byrknes, derav far og son. Dei var ute på ei øy for å hente torv. Det var godver, men båten forsvant sporlaust ved kystleia. Folk hadde mistanke om at ulukkesbåten var rend i senk av eit skip.
I februar 1946
forliste sildesnurparen "Lindøy" frå Austevoll vest for Kversøy i Gulen og 20 menn omkom. Mellom dei omkomne var ein mann frå Byrknes og ein frå Solund.
I 1955
gjekk eit stort stein- og jordras og øydela mykje av garden og husa til Johannes Nygard i Neverdal. Det var fåre for nye ras, og garden og grannetuna til Bernt Martinusson Neverdal og Peder Neverdal vart fråflytta.
Vinteren 1979
forliste fraktebåten "Austri" ved Fiskholmen. Fire mann omkom og fire vart berga av bygdefolket på øyane. Som takk for hjelpa, fekk øyfolket ei
|
Sea Cat-ulukka førte til to dødsfall og 100 skadde. (Foto: Asle Veien, NRK) |
kyrkjeklokke til kapellet på Byrknes.
I 1990
omkom tre unge gutar frå Sandøy i Brandangersundet då dei kantra i ein jolle på veg frå Sandøy til Sløvåg.
Ei av dei største ulukkene med norske hurtigbåtar til då hende ved Mjømna den 4. november 1991.
Containerskip på grunn
I januar 1993 gjekk containerskipet Scan Lifter på grunn ved øya Røytinga. Skipet var på veg frå Bergen då det fekk maskinstopp og
|
Scan Lifter gjekk på grunn i storm. (Foto: Asle Veien, NRK) |
dreiv på grunn. Mannskapet på åtte vart berga, men 55 tonn dieselolje rann ut i sjøen. Det gjekk meir enn tre år før vraket vart fjerna frå øya.
I påska 1994
omkom ein familie på fire personar då bilen deira kolliderte med eit vogntog i vegkrysset i Instefjord. Familien var på veg til slektningar i Solund då ulukka hende.
I januar 1996
omkom ein vegarbeidar medan han var i ferd med å rydde vegen Instefjord-Brekke etter eit snøras. Han og maskinen vart råka av eit nytt ras og feia på fjorden.